ಪುಸ್ತಕ: ಶಾಲಭಂಜಿಕೆ
ಲೇಖಕ: ಡಾ|| ಕೆ ಎನ್ ಗಣೇಶಯ್ಯ
ಬೆಲೆ: ೧೩೦
ಪ್ರಕಾಶನ: ಛಂದ ಪ್ರಕಾಶನ
ಮುದ್ರಣ: ೬
ಪುಸ್ತಕವು ಸುಮಾರು ೭-೮ ಕತೆಗಳ ಸಂಕಲನವಾಗಿದೆ. ಕಡಿಮೆ ಸಂಖ್ಯೆಯ ಕತೆಗಳೆನಿಸಿದರೂ, ಪುಸ್ತಕ ಓದಿದ ಮೇಲೆ ಸಾರ್ಥಕ ಎನಿಸುತ್ತದೆ. ಎಲ್ಲ ಕತೆಗಳೂ ಒಂದಕ್ಕಿಂತ ಒಂದು ವಿಭಿನ್ನ. ಗತಕಾಲದ ಶಿಲ್ಪ ಕಲೆ, ಜೇನುಹುಳುಗಳು, ಶಿಲಾಯುಗ, ಬೆಂಗಳೂರಿನ ವಿಭಿನ್ನ ತರ್ಕದ ಇತಿಹಾಸ, ಮೂತಿಹುಳುಗಳ ಪರಾಗತ್ಯಾಗ , ಕಾಫಿ ಬೀಜ!! ವಿಶೇಷವೆಂದರೆ ಲೇಖಕರೇ ಹೇಳುವಂತೆ, ಈ ಎಲ್ಲ ಕತೆಗಳೂ ಕಾಲ್ಪನಿಕವಲ್ಲ! ಕೆಲವು ಸತ್ಯದ ಎಳೆಯ ಮೇಲೆ ಕತೆ ಹೆಣೆದಿದ್ದಾರೆ. ಅದಕ್ಕೆ ಆಧಾರಗಳನ್ನೂ ಕತೆಯ ಕೊನೆಯಲ್ಲಿ ಉಲ್ಲೇಖಿಸಿದ್ದಾರೆ. ತುಂಬಾ ರೋಚಕವಾಗಿ ಓದಿಸಿಕೊಂಡು ಹೋಗುತ್ತದೆ. ಕೆಲ ಕತೆಗಳ ಕೊನೆ ಒಂದೇ ರೀತಿ ಎನಿಸಿದರೂ, ಕಥಾವಸ್ತುಗಳು ವಿಶಿಷ್ಟವಾಗಿದ್ದು ಬೇರೆ ಬೇರೆ ಇರುವುದರಿಂದ ಅದು ಗೌಣವಾಗುತ್ತದೆ!
